وه‌رزشكارێك له قه‌زاى سۆران فێرگه‌یه‌ك بۆ دروست كردنى یاریزان ده‌كاته‌وه
.jpg )
له‌قه‌زاى سۆرانى سه‌ر به پارێزگاى هه‌ولێر چه‌ند راهێنه‌رێكى خۆبه‌خش هه‌ڵده‌ستن به كردنه‌وه‌یه‌كى فێرگه‌یه‌كى تۆپى پێى بۆ دروست كردنى یاریزان له سنورى قه‌زاى سۆران، به ئامانجى خزمه‌ت كردنى زیاترى وه‌رزشیى ده‌ڤه‌ره‌كه و بۆ ئه‌وه‌ى له داهاتوودا یاریزان بده‌ن به یانه‌كانى كوردستان و چیتر یانه‌كان پشت به تواناكانى یاریزانانى ده‌ره‌وه نه‌به‌ستن، گه‌شه شێرزاد سه‌رپه‌رشتیارى فێرگه‌ى وه‌رزشیی تۆپى پێى سۆران بۆ گۆڤارى گوڵان گوتى: ئه‌م فێرگه وه‌رزشییه‌مان كردۆته‌وه له قه‌زاى سۆران ئامانجمان ده‌رخستنى به‌هره و تواناى لاوان و پێگه‌یاندنیان له رووى ئه‌كادیمی وه‌رزشیی و رۆشنبیری وه‌رزشیی، جگه له‌وه‌ش دروست كردنى یاریزانى خۆماڵى له داهاتوودا شاره‌كه‌مان پشتى پێ ببه‌ستێ، گوتیشى: تاكه فێرگه‌ین له ده‌ڤه‌ره‌كه‌مان كه 55ێرخوازمان هه‌یه له‌گه‌ڵ شه‌ش راهێنه‌ر كه هه‌موویان خاوه‌نى بڕوانامه‌ى Cى ئاسیایین، له‌باره‌ى به‌رێوه‌چوونى كاره‌كانیش گه‌شه گوتیشى: هه‌مووراهێنه‌ره‌كان خۆبه‌خشین وه‌ك پاڵپشتى كه‌ش له پشتمان نییه ته‌نیا ئه‌وه نه‌بێت چه‌ند دۆست و براده‌رێك هاوكارییه‌كى كه‌میان كردووین سوپاسیان ده‌كه‌ین، رۆژانه مه‌شقه‌كانمان ده‌كه‌ین به پێى ئه‌و خشته‌ى دامناوه ئه‌و فێرگه‌یه‌ش ته‌نیا بۆ ئاستى كوڕانه و له به‌رنامه‌مان دایه له داهاتوودا كچانیش بكه‌ینه‌وه بۆ ئه‌وه‌ى له داهاتوو بتوانین كارى باش بكه‌ین بتوانین یاریزانى كوردی خۆماڵى دروست بكه‌ین بۆ شاره‌كه‌مان و یانه‌كانیش.ئه‌گه‌ر هاوكارى دارایشمان بكرێ ده‌توانین كارى زۆر له ده‌ڤه‌ره‌كه‌مان بكه‌ین و خزمه‌تى به‌رده‌وامى وه‌رزشیی بكه‌ین به هیمه‌ت و هه‌وڵى هه‌موو لایه‌ك.
كارزان كانه‌بی
