لە ڕووداوێکی تراژیدی جەرگ بڕدا سەری مایکڵ جۆنسی ڕاهێنەری تیپی لاوانی نیویۆرک ڕێد بوڵزی ئەمریکی لە لاشەی جیاکرایەوە و دواتر گوێچکەشی لێکرایەوە. پۆلیسی شاری نیۆرک هەواڵەکەی پشتڕاستکردەوە و لە ئێستادا بەدوای تاوانبارەکە دەگەڕێن.

جەیمس دواین جار لە شەقامی مەنهاتن لە ناوچەی یونیەن بینراوە لە دەوروبەری ٤:٣٠ خولەکی بەیانی کە دەمەقاڵێی لەگەڵ پیاوێکدا بووە. تا نیوەشەو لەگەڵ خۆشەویستەکەیدا بووە بەڵام دواتر جیابوونەوە و بۆ بەیانییەکەی لاشەکەی لەسەر شەقامەکە دۆزراوەتەوە.

پۆلیس سەبارەت بە تاوانبارەکە تەنیا ئەوەندە زانیاری هەیە کە قژێکی درێژی هەبووە و چاکەتێکی ڕەشی لەبەردابووە بەڵام هێشتا هیچ کەسێک لەسەر ئەو ڕووداوە دەستگیرنەکراوە.

یانەی نیویۆرک ڕێد بوڵز بەیاننامەیەکی بڵاوکردەوە و تێیدا هاتووە “ڕاهێنەرێکی گەورەبوو کە تۆپی پێی زۆر خۆشدەویست، ئەمە ڕۆژیکی زۆر خەمهێنەرە بۆ یانەکەمان و هەموولایەک. بەهەمووشێوەیەک هاوکاری پۆلیس دەکەین بۆ دەستگیرکردنی بکوژەکە. هاوخەمی خێزانەکەی و کەسە نزیکەکانین.