پاڵەوانێتیی‌ یانەكانی‌ كوردستان بۆ تیپەكانی‌ گۆڕەپان و مەیدان، لە نێو تراكەكانی‌ یاریگای‌ شەهید فرەنسۆ هەریری‌ لە شاری‌ هەولێر دەستی‌ پێكردو لە یەكەم ڕۆژدا دوو ژمارەی‌ كوردستانی‌ و عێراقی‌ تۆماركران.
لە یاری 100 مەتری‌ كوڕاندا، یاریزانی‌ تیپی‌ گۆڕەپان و مەیدانی‌ یانەی‌ پێشمەرگەی‌ سلێمانی‌ و هەڵبژاردەی‌ عێراق بابان بەهادین ڕیكۆردێكی‌ نوێی‌ كوردستانی و عێراقی‌ و ژمارەیەكی‌ نوێی‌ لە ڕاكردنەكە تۆماركرد كە توانی‌ ماوەكە 21-10 چركە تۆماربكات.
بابان ساڵانێكە یاریزانی‌ تیپی‌ گۆڕەپان و مەیدانی‌ یانەی‌ پێشمەرگەی‌ سلێمانی‌ و هەڵبژاردەی‌ عێراقەو خاوەنی‌ چەندین مەدالیای‌ كوردستان و عێراق و عەرەبیە.