لە دوای ئەوەی كە یانەكەی توانی سەركەوتن بەدەست بێنێت بە ئەنجامی 4-1 بەرامبەر یانەی ئەجاكسی هۆلندی لە خولی یانە پالەوانەكانی ئەوروپا بەرگریكاری بە توانای یانەی ریال مەدریدی ئیسپانیا لە دوای یارییەكە و لە چاوپێكەوتنێكی رۆژنامەوانیدا سەبارەت بە ئێل كلاسیكۆی هەفتەی داهاتوو بەرامبەر یانەی بەرشلۆنە ووتی : ئێمە وورەیەكی باشمان هەیە بۆ ئەو یارییە و ئێمە بۆ سەركەوتن بەرەو شاری بەرشلۆنە دەچین .لە درێژەی لێدوانەكەیدا سەبارەت بەوەی كە كلاسیكۆی ئەم جارەیان جیاوازی هەیە لەگەل كلاسیكۆیەكانی رابردوو ووتی : من هیچ جیاوازیەك نابینم تەنها ئەوە نەبێت كە سەركەوتن لە ناو یاریگای كامپ نۆ شتێكی زۆر گرنگە و ئێمەش توانای ئەوەمان هەیە هەرچەندە یارییەكی زۆر قورس دەبێت بۆ هەردولا.
