رۆژنامەی میرۆری بەریتانی ئاشكرای كردووە یانەی چێڵسی بە نیازی دوورخستنەوەی هەموو یاریزانە بەتەمەنەكانیەتی.
ئەو رۆژنامەیە ئاشكرای كردووە پاڵەوانی ئەوروپا بیر لەوە دەكاتەوە لە هاوینی داهاتوودا ریزەكانی خۆی لە هەموو یاریزانە بە تەمەنەكان خاوێن بكاتەوە.
بەپێی رۆژنامەكە ستراتیجیەتی نوێی بلووز پشت بە یاریزانانی گەنج دەبەستێت و بۆ ئەوەش رۆمان ئەبرامۆڤیجی خاوەنی یانەكە، بڕیاریداوە گرێبەستی هیچ یاریزانێك نوێ نەكاتەوە كە تەمەنی لەسەرووی 30 ساڵییەوە بێت.
بەپێی میرۆر ئەوانەی بەهۆی ئەو بڕیارە نوێیەوە هەڕەشە دەكەوێتە سەر داهاتوویان لەگەڵ چێڵسی بریتین لە فرانك لامپاردی 34 ساڵ و ئاشلی كۆلی 31 ساڵ.
بەپێی هەمان رۆژنامە رۆیشتنی دیدێ درۆگباش لە چوارچێوەی هەمان ستراتیجی نوێدا بووە و دوور نییە جۆن تێری كاپتنی یانەكەش بەر هەمان سیاسەت بكەوێت.