گوڵان : كارزان كانەبی-كاروان
یارییەكەی نێوان فوتساڵی ئافرەتانی هەولێر و ئافرۆدێت بەسەركەوتنی هەولێرییەكان كۆتایی پێ هات .
لەشاری هەولێرو لەیارییەكی دۆستانەدا تیپی فوتساڵی یانەی ئافرۆدێت بوو بەمیوانی فوتساڵی ئافرەتانی هەولێر، ئەو یارییە كەلەچوارچێوەی ئامادەكارییەكانی هەردوو یانەكەیە بۆ خولی فوتساڵی كچانی كوردستان، ئافرەتانی هەولێر تێیدا باڵا دەست بوون و سەركەوتنیان تۆمار كرد، هەرچەندە لەتایمی یەكەمدا ئافرۆدێت بە 2 گۆڵ لەپێشەوە بوو، بەڵام تایمی دووەم بووە كاتی جڵەو گرتنە دەستی یارییەكە بۆ كچە هەولێرییەكان و توانیان بە 6 گۆڵ پێش بكەون، بۆیە یارییەكە بەئەنجامی 6 بە 2 بەشكستی ئافرۆدێتی شاری سلێمانی كۆتایی پێ هات.
(خالید عەزام) راهێنەری فوتساڵی ئافرۆدێت شكستی تیپەكەی بۆ كەمی لیاقەی یاریزانەكانی گەڕاندەوەو هیوای خواست ئەم شكستە ببێت بەهۆكاری پڕكردنەوەی كەلێنی پێك هاتەی تیپەكەی، تا لەخولی كوردستاندا بەبێ كێشە كێ بڕكێ بكەن .