دوای ئەوەی یەكێتیی پایسكلسواریی جیهانی بڕیاری دا پایسكلسواری ئەمەریكی لانس ئەرمسترۆنگ بەهۆی خواردنی مادە وزە بەخشەكان تا كۆتایی ژیانی لە یاریكردنی پایسكلسواری رابگیرێت و گشت دەستكەوتەكانی لە نێوان ساڵی 1999 تا 2005 لێ وەربگرێتەوە بە تایبەتی دوای ئەوەی بۆ ماوەی 7ساڵ لەسەر یەكدی،بووە پاڵەوانی پاڵەوانێتیی تور دی فرانس.
لە بەیاننامەیەكدا یەكێتیی پایسكلسواریی جیهانی رایگەیاند ئەوان چاوەڕوانی بەڵگەكانی لانس ئەرمسترۆنگ دەكەن بۆ ئەوەی بتوانێت بەرگری لە خۆی بكات و ئێمە لە بڕیارەكەمان پاشگەز ببینەوە، بەڵام تا ئێستا هیچ شتێكمان بۆ نەهاتووە.
لە درێژەی بەیاننامەكەدا گوتی: ئەگەر لە ماوەیەكی نزیك ئەو بەڵگەنامە نەگاتە دەستمان ئەوە بڕیارەكەی خۆمان جێبەجی دەكەین.
جێگەی باسە لانس ئەرمسترۆنگ بەناوبانگترین پایسكلسواری ئەمەریكی و جیهان-ییە كاتێك تووشی نەخۆشیی شێرپەنجە بوو، بەڵام دوای چاكبوونەوەی لەم نەخۆشییە توانی ببێتە پاڵەوانی تور دی فرانس و ئەم یاریزانە ئێستا تەمەنی 40 ساڵە.