رۆژنامەی كۆرێری دیلۆ سپۆرتی ئیتاڵی سوپرایزێكی گەورەی تەقاندەوە كاتێك ئاشكرای كرد یانەی ئینتەرمیلانی ئیتاڵی ئامادەیە بڕی 30 ملیۆن یۆرۆ بدات بۆ بەدەستهێنانەوەی ماریۆ بالۆتێلی هێرشبەری پێشووی.
ئەو رۆژنامەیە ئاماژەی بەوەداوە كە ماسیمۆ مۆراتی سەرۆكی یانەكە بەو داوایەی گێڕانەوەیەی بالۆتێلی رازی بووە.
رۆژنامەكە دەڵێ ماریۆ لە سیتی مورتاح نییە لەبەرئەوەی مانچینی یاری پێ ناكات و هەردەم لە میدیاكانەوە رەخنەی توندی لێدەگرێت.
رۆژنامەكە هەروەها دەڵێ مۆراتی پێی وایە كە ماریۆ توانای گێڕانەوەی سەروەرییەكانی یانەكەی هەیە، بۆیە ئامادەیە 30 ملیۆن یۆرۆ بداتە ستی بۆ دەستهەڵگرتن لەو یاریزانە.