ڤلادیمێر پۆتینی سەرۆكی رووسیا رەخنەی لە یانەكانی تۆپی پێی وڵاتەكەی گرت بەهۆی خەرجكردنی بڕە پارەی زۆر لە هێنانی یاریزانی نوێدا بۆ ریزەكانیان.
پۆتین لە كۆبوونەوەی ئەنجوومەنی سەرۆكایەتی هونەر و كولتووردا گوتی رەخنە لە سەرۆكی یانە و كۆمپانیاكان دەگرم لەسەر ئەو جۆرە كارانە، بەڵام دەمەوێ ئەوەش بوون بكەمەوە كە ئەوەی ئەوان دەیكەن كاری خۆیانە و پەیوەندی بە دەوڵەتەوە نییە.
یانەی زینیتی رووسی لە هاوینی ئەمساڵدا 100 ملیۆن یۆرۆی بۆ كڕینی هۆلك و ڤیستل خەرجكردووە.
هێنانی هۆلك و ڤیستل كێشەی زۆری لە یانەكەدا دروستكردووە بەهۆی بەرزی ئاستی مووچەی ئەو یاریزانانەوە كە یاریزانانی تری یانەكە داوای هەمان بڕە مووچە دەكەن.