جۆزێ مۆرینۆی راهێنەری ئێستای یانەی ریال مەدریدی ئیسپانی ئاشكرای كرد نیازی هەیە تەمەنی دەبێتە 70 ساڵ لە مەشقدان و كاركردن لە تۆپی پێدا بەردەوام بێت.
مۆرینۆ ئاشكرای كردووە كە دەیەوێ وەك سێر ئەلێكس فێرگسۆن درێژە بە كاركردن لە بواری مەشقدا بدات تا تەمەنی دەگاتە 70 ساڵ.
مۆرینۆ لە یەنایەری داهاتوودا تەمەنی دەبێتە 50 ساڵ و ئاشكرای كرد بە شێوەیەك تۆپی پێی خۆشدەوێ دەیەوێ تا 20 ساڵی تریش لەو بوارەدا ئیش بكات.
یونیك وەن لە چاوپێكەوتنی سكای سپۆرت گوتی تێدەگەم بۆچی سێر تا ئێستا كە تەمەنی 70 ساڵە لە مەشقدان بەردەوامە، منیش دەمەوێ وەك ئەو بكەم.
هەروەها گوتی تۆپی پێم زۆر خۆشدەوێ، مەشقدانیشم زۆر خۆشدەوێ، كاتێك تەمەنم دەبێتە 50 ساڵ هێشتا زۆر گەنجم، لەبەرئەوە بواری زۆرم لە پێشدا دەمێنێ و دەمەوێ بەردەوام بم.