یانەی میلانی ئیتاڵی متمانەی خۆی بە ماسیملیانۆ ئەلێگری راهێنەری یانەكە نوێكردەوە هەرچەندە یانەكەی دوێنێ 2-1 بەرامبەر ئۆدینێزی لە خولی ئیتاڵی دۆڕا.
ماڵپەری میلان لەسەر زاری ئەدریانۆ گالیانی جێگری سەرۆكی یانەكەی گواستەوە كە ئەوان درێژە دەدەن بە پشتگیری و متمانەدان بە ئەلێگری و سەرۆكی یانەكە متمانەی تەواوی پێیەتی و پشتگیری دەكات.
میلان لە 4 یاریدا لە خولی ئیتاڵی یەك بردنەوە و 3 دۆڕانی هەیە و لە دۆخێكی خراپدایە.
هەروەهها گوتی میلان لە یارییەكەی دوێنێدا ئاستێكی باشتری پێشاندا و تیپەكە ئاستی بەرەو پێش چووە، دەمانەوێ چوارشەمەی داهاتوو لە نێو یاریگای خۆماندا بە ئاستێكی باشترەوە دەبكەوین.
چوارشەمەی داهاتوو میلان لە یاریگای خۆیدا بەرامبەر كالیاری یاری دەكات و لەوانەیە ئەو یارییە چارەنووسی راهێنەری یانەكە دیاری بكات.