جۆزی مۆرینۆی راهێنەری یانەی ریال مەدریدی ئیسپانی ئاشكرای كرد دوای وازهێنانی لە كاركردن لە ئیسپانیا جارێكی تر دەگەڕێتەوە ئینگلتەرا.
ئەو راهێنەرە پورتوگالییە لە چاوپێكەوتنی لەگەڵ كەناڵی سكای سپۆرتدا دووپاتیكردەوە هەنگاوی داهاتووی دوای كۆتایی هاتنی گرێبەستەكەی لەگەڵ ریال مەدرید گەڕانەوە دەبێت بۆ خولی ئینگلیزی و ئەوەش بە دوور نەزانی جارێكی تر خۆی لە چێڵسی ببینێتەوە.
ئەو گوتی كاتێك لە ئیسپانیا باس لە هەنگاوەكانی داهاتووم دەكەم و دەڵێم دەگەڕێمەوە خولی ئینگلیزی، دەرگا بە رووی ژمارەیەكی زۆری بۆچوون و مشتومڕدا دەكەمەوە، بەڵام من ئێستا بایەخ بەوە نادەم و قسە لەسەر ئەوە دەكەم كە لە مێشكی خۆمدا پلانم بۆ داناوە و ئەوەش بریتییە لە دوای دەرچوونم لە ریال مەدرید گەڕانەوەیە بۆ ئینگلتەرا.
لە وەڵامی پرسیارێكدا سەبارەت بەوەی كێ هەڵدەبژێرێت، ئەو گوتی چێڵسی، چێڵسی ئەو یانەیە هەمیشە لە دڵمدا دەمێنێتەوە.