یانەی ریال مەدریدی ئیسپانی توانی بگاتە بردنەوەی ژمارە 100 لە خولی یانە پاڵەوانەكانی ئەوروپا كاتێك سێشەمەی رابردوو توانی لە یانەی مانچستەر ستی ئینگلیزی بباتەوە 3-2 لە قۆناخی كۆمەڵەكانی خولی یانە پاڵەوانەكانی ئەوروپا.
ریال مەدرید بووە یەكەم یانە بگاتە ئەو ژمارەیە لە بردنەوەی یارییەكان لەو پاڵەوانیەتییەدا.
لە دوای ئەوەی پاڵەوانیەتیی خولی یانە پاڵەوانەكانی ئەوروپا لە ساڵی 2002 بە سیستمی نوێ دەستپێكرا، یانەی شاهانەی ئیسپانی یەكەم یانەیە بگاتە 100 بردنەوە لە ماوەی 20 ساڵی رابردوودا و لەو ماوەیەشدا یانەكە 176 یاری كردووە و 351 گۆڵی تۆمار كردووە و 196 گۆڵیشی لێكراوە.،
لە دوای ریال مەدید كە هەڵگری 9 نازناوی پاڵەوانیەتییەكەیە هەردوو یانەی مانچستەر یونایتدی ئینگلیزی و بەرشەلۆنەی ئیسپانی دێن بە بردنەوەی 98 و 97 یاری بە دوای یەكدا و ئەو دوو یانەیە چونكە دوێنێ شەو بردنەوەكانی خۆیان زیادكرد لە پاڵەوانیەتییەكەدا، هەنگاوێكی تر لە ریال مەدرید نزیكبوونەوە و ژمارەی بردنەوەكانیان بووە 99 و 98.