سەرچاوە رۆژنامەوانییەكانی ئیسپانیا ئاشكرایان كردووە تاكە كەس لە ئەندامانی یانەی ریال مەدریدی ئیسپانی كە بە گۆڵی بردنەوەی رۆناڵدۆ لە مانچستەر ستی دڵخۆش نەبووە، ئیكەر كاسیاسی گۆڵچی بووە.
رۆژنامەی ماركای ئیسپانی ئاشكرای كردووە كە كاسیاس لە كاتی گۆڵەكەی رۆناڵدۆدا لە دوا ساتەكانی یارییەكەدا هیچ دڵخۆشییەكی پێشان نەداوە.
ماركا دەڵێ كامێراكانی كەناڵی تی ڤی ئەی ئیسپانی وێنەی كاسیاسیان گرتووە دوای گۆڵەكە كە هیچ كاردانەوەیەكی بەرامبەر دڵخۆشی هاوڕێكانی پێشان نەداوە.
رۆناڵدۆ پێشتر ئاشكرای كردبوو هەست بە نائارامی دەكات لە ریال مەدرید و ئەوەش بە بوونی كێشە لە نێوان ئەو و یاریزانانی تری ریال مەدرید لێكدرایەوە.