خۆسێ چیلاڤێرتی گۆڵچی پێشووی هەڵبژاردەی پاراگوای لە دژی پرۆژەیەكی نیشتەجێكردنی بە كۆمەڵە لە یەكێك لە گەڕەكە دەوڵەمەندەكانی بۆینس ئایرسی پایتەختی ئەرجەنتین پێشەوایەتی خۆپێشاندانێكی كرد.
چیلاڤێرت بەشداری ئەو خۆپێشاندانەی كرد لەبەرئەوەی خۆیشی لەو گەڕەكەدا خانوویەكی هەیە و بەهۆی ئەو پرۆژەیەوە بەهای خانووە ئاساییەكانی ئەو گەڕەكە بە شێوەیەكی بەرچاو دادەبەزێت.
چیلاڤێرت گوتی ئێمەی دانیشتووانی ئەو ناوچەیە نامانەوێ ئەو پرۆژەیە لە ناوچەكەماندا جێبەجێ بكرێت، لەبەرئەوەی پێمان وایە ئەوە نرخ و بەهای زەوییەكانی ناوچەكە بە شێوەیەكی بەرچاو كەمدەكاتەوە و قەرەباڵخییەكی زۆر لە ناوچەكەدا دروست دەكات.