ماسیملیانۆ ئەلێگری راهێنەری یانەی میلانی ئیتاڵی ئاشكرای كرد یاریزانانی ئێستای یانەكەی هێشتا كاریگەریی رۆیشتنی ئەستێرەكانیان لە ریزەكانی یانەكە لە هاوینی ئەمساڵدا لەسەرە.
هاوینی ئەمساڵ زڵاتان ئیبراهیمۆڤیچ و تیاگۆ سیلڤا چوونە یانەی پاریس سانجێرمان، كاسانۆ چووە ئینتەرمیلان و هەریەك لە سیدرۆف و گاتۆزۆ و ئینزاگی و چەندین یاریزانی تریش ریزەكانی ئەو یانەیەیان جێهێشت.
میلان لە 3 یاریدا لە خولی ئیتاڵی دوو دۆڕان و بردنەوەیەكی هەیە. كێشەیەكی زۆری بەدەست پێكانی یاریزانەكانییەوە هەیە.
ئەلێگری ئاشكرای كرد هەریەك لە پاتۆ و رۆبینیۆ بەشداری یارییەكەی خولی یانە پاڵەوانەكانی ئەوروپا بەرامبەر ئەندەلەختی بەلجیكی ناكەن.
هەروەها روونیكردەوە كە بەشداری مۆنتۆلیڤۆ كە پێكانی هەیە لەو یارییەدا كارێكی ئەستەمە.
ئەلێگری روونیكردەوە كە هێشتا یاریزانانی تیپەكەی كاریگەریی رۆیشتنی ئەستێرەكانیان لە هاوینی ئەمساڵدا لەسەرە و ئەوەش وایكردووە متمانەیان بەخۆیان و پرۆژەی یانەكە لاواز بێت.