باستیان شڤانشتایگەری ئەستێرەی یانەی بایرن میونشنی ئەڵمانی دڵخۆی خۆی بە ئاستی تیپەكەی لە سەرەتای وەرزی ئەمساڵدا پێشاندا دوای ئەوەی سێیەم یاری لەسەر یەكی لە یانەی ماینز بردەوزە.
ماریۆ مانزۆكیچ و شڤانشتایگەر و تۆنی كرووس گۆڵەكانی بایرنیان لەو یارییەدا تۆمار كرد.
شڤاینی لە دوای یارییەكە دڵخۆشی خۆی بە ئاستی تیپەكەی دەربڕی و گوتی ئەوەی ئێستا هەیە دڵخۆشمان دەكات بە ئایندە.
شڤانشتایگەر لە لێدوانی بۆ رۆژنامەی كیكەری ئەڵمانی لە دوای یارییەكە گوتی ئاستێكی بەرزمان پێشكەشكرد و یاری دوای یاری دەیسەلمێنین كە ئێمە بە هێزێكی زۆرەوە بەڕێوەین.
هەروەها گوتی ئاستی بەرزمان لە سەرەتای وەرزدا و بردنەوەی سێ یاری لەسەریەك، دڵخۆشی كردووین بەوەی دەتوانین بە گەشبینییەوە لە ئایندەی خۆمان بڕوانین، پێم وایە ئەم كارە لە كۆتایی وەرزدا بەرهەمی ناوازەی دەبێت، ئەویش بەدەستهێنانی نازناوەكانە.