كارلیس پۆیۆلی كاپتن و بەرگریكەری یانەی بەرشەلۆنەی ئیسپانی بۆ ماوەی 6 هەفتە لە یاریكردن دادەبڕێت بەهۆی توشبوونی بە پێكان لە قاچیدا.
پیۆل لە یاری نێوان یانەكەی و گیتافی لە هەفتەی چوارەمی خولی ئیسپانی كە 4-1 لە بەرژەوەندی بەرشەلۆنە كۆتایی هات، تووشی كرژبوونی ماسوولكەكانی قاچی هات و بەوەش بۆ ماوەیەك توانای یاریكردنی نابێت.
پیۆل ئەمڕۆ یەكشەمە پشكنیینی زیاتر دەكات بۆ زانینی زانیاری زیاتر لەسەر پێكانەكەی و ئاستی مەترسییەكەی، ئەمە بەپێی ئەوەی خۆسێ مانوێل لازارۆی گوتەبێژ بە ناوی یانەی بەرشەلۆنەوە ئاشكرای كردووە.
پیۆل بەهۆی گەورەبوونی تەمەنیەوە لە وەرزی رابردوو و ئەمساڵیش نەیتوانیوە بە شێوەیەكی باش بەشداری یارییەكانی تیپەكەی بكات.
ئەو تازە لە پێكان گەڕابووەوە دوای ئەوەی بەهۆی تووشهاتنی بە شكان لە ئێسكی دەمووچاویدا بۆ ماوەی چەند هەفتەیەك یاری نەكرد.