هیچ گومانی تێدا نییە تەكنەلۆژیای نوێ گرنگییەكی بەرچاوی بە جیهانی منداڵان داوە، هەم لە بواری راهێنان و بارهێنانەوە، هەم لە بواری ئەمنییەت و چاودێرییەوە..
كۆمپانیای coolPad كە بەشێك لە چالاكییەكانی لە بواری بەرهەمهێنانی ئامێری تەكنەلۆژی تایبەت بە منداڵان چڕكردۆتەوە لەم ماوەیەدا كاتژمێرێكی زیرەكی بەرهەم هێنا كە بە جۆری Dyno ناسراوە. كاتژمێرەكە وەك ستایل و دیزاین وەك ئەو كاتژمێرە هۆشمەندانە ناچێت كە تا ئێستا بەرهەم هاتوون، كاتژمێرەكە بۆ منداڵانی 4 هەتا 9 ساڵییە، كاتژمێرەكە یارمەتی بەخێوكاری منداڵەكان دەدات كە هەمیشە لەگەڵ منداڵەكان لە پەیوەندی دابن.
قایشی كاتژمێرەكە دوو رەنگی شین و پەمەیی هەیە كە تایبەتن بە منداڵانی كوڕ و كچ. منداڵان خۆیان دەتوانن دەستكاری ستایلی ناو كاتژمێرەكە بكەن. كاتژمێرەكە وەك هەموو كاتژمێرە زیرەكەكان توانای ژماردنی هەنگاوەكان، سیستەمی GPS و لەوانەش گرنگتر ناردنی كورتە پەیام و پەیوەندی لەگەڵ بەكارهێنەرانی هەیە، داك و باوكان بە ئاسانی دەتوانن شوێنی دروستی منداڵەكانیان ببینن، كاتژمێرەكە بۆ مۆبایلی ئەندروید و ios ئاپی تایبەتی خۆی هەیە، لە كاتژمێرەكەدا دەكرێت مەودایەكی سنووردار دابنێی و دەرچوون لەو مەودایە وەك هێڵی سوور نیشان بدرێ، بۆ نموونە ئەگەر دایك و باوكان نایانەوێ منداڵەكانیان بچنە چەند شوێنێكی دیاریكراو یان مەودایەكی جوگرافی سنوودار، دەكرێت شوێنەكە وەك هێڵی سوور دابندرێ، ئەگەر لەو بازنە دەرچوو زەنگی هوشیاركردنەوە لێبدرێ..