ئامازۆن كە زیاتر وەك كۆمپانیایەكی گرنگی كتێبخانەی جیهانی ناسراوە و هەروەها بە كتێبخانە دیجیتالییەكانی بەناوبانگە، لەم ماوەیەدا تەبلێتكی 7 ئینجی هێنایە بەرهەم. مەبەستی ئامازۆن لەم تەبلێتە نوێیە ململانێیەكی جددییە لەگەڵ كۆمپانیای ئەپڵ كە بەرهەمەكانی لە پێشەنگی ئامێرە ئەلكترۆنییە دیجیتالییە كەسییەكاندا دێن. تەبلێتەكەی ئامازۆن بە Kindle fire ناسراوە.
“ئامازۆن كیندیل فایر” لەلایەن كۆمپانیاكەیەوە بە نرخێكی زۆر هەرزان بایی دەفرۆشرێت تەنیا دووسەد دۆلار، ئامێرەكە بۆ پێوەندی بە ئینتەرنێتەوە لە سیستەمی وای فای سوود وەردەگرێت. سیستەمی 3G تێدا نییە. شاشەكەی 17 ئینجە. لە جۆری IPS، كێشی تەبلێتەكە 410 گرامە. كوالیتی شاشەكەی لە ئایپاد باشترە، بەڵام ناگاتەوە ئایفۆن. لەسەر ئەم تەبلێتە هیچ مایك و كامێرایەك نابینی. هاردەكەی تەنیا 8 گیگابایتە، بەڵام ئەوەیان گرنگ نییە، چونكە كۆمپانیای ئامازۆن هاردێكی مەجازی ئینتەرنێتی بێ سنوور بە بەكارهێنەرانی دەبەخشێ. واتە دەتوانی بەبێ سنوور داتاكانی خۆت لە سایتی ئامازۆندا خەزن بكەی...