سەرەڕای پەتای ڤایرۆسی کۆرۆنا، سەفەرکردن بە فڕۆکە بە پەیڕەوکردنی رێنماییە تەندروستییەکان لە گەلێک وڵاتانی جیهاندا دەستی پێکردۆتەوە، توێژەران بە وردی خەریکی لێکۆڵینەوەن سەبارەت بە ئەگەری گواستنەوەی ڤایرۆسی کۆرۆنا لەناو فڕۆکەکاندا. لەگەڵ پەتای ڤایرۆسی کۆڤید19، کۆمپانیاکانی فڕۆکەوانی بە پشت بەستن بە سەرچاوەی پزیشکی جەختیان لەمە کردۆتەوە کە سەفەرکردن بە فڕۆکە لە سەفەرکردن بە پاس و شەمەندەفەر سەلامەتترە، بەڵام هێشتا ئەگەری گواستنەوەی ڤایرۆسەکە لەناو فڕۆکەدا لە ئارادایە بەتایبەتی لەکاتی سەفەری دوور و زیاد مانەوە لەناو فڕۆکەدا. لێکۆڵینەوەیەکی پەیمانگای نیشتمانیی پەتا و پاکوخاوێنی ڤێتنامی جەختی کردۆتەوە کە لە سەفەرێکی 10 کاتژمێری نێوان لەندەن و شاری هانۆیدا لە مانگی ئاداری ساڵی 2020 بۆتە هۆی زیادبوونی ژمارەی تووشبووان بە ڤایرۆسی کۆڤید19 کە جگە لە گەشتیاران، چەند ئەندامێکی ستافی فڕۆکەشی دوچاری ڤایرۆسکە بووبوون. بە پشت بەستن بەم لێکۆڵینەوە و لێکۆڵینەوە تر، پسپۆران جەخت دەکەنەوە کە ئەگەری بڵاوبوونەوەی ڤایرۆسی کۆرۆنا لە ئارادایە لەکاتی سەفەر کردن بە فڕۆکە بەتایبەتی سەفەری دوور هەتا بۆ ئەو کەسانەی کە بە بزنس کلاس سەفەر دەکەن، بەڵام بێگومان گرتنەبەری وردی هەنگاوەکانی خۆپاراستن رۆڵی سەرەکییان هەیە بۆ رێگرتن لە بڵاوبوونەوەی ڤایرۆسی کۆرۆنا لەکاتی سەفەرکردن بە فڕۆکە بەتایبەتی بەکارهێنانی سپرای لووت Antiseptic Nasal Spray بۆ لەنابردنی میکرۆب