ئازار لە بەشی خوارەوەی پشتدا Lumbago باوترین جۆری پشت ئێشەیە، ئەگەری تووشبوون لەتەمەنی 30 ساڵییەوە زیاد دەبێت، تا تەمەنی 60-65 ساڵی ئینجا بەرەو كەمبوونەوە دەچێت. هۆكارە هاندەرەكانی تووشبوون بەپشت ئێشە ئەمانەن:
• بەساڵاچوون: دیسكی نێوان بڕبڕەكان لەپاش تەمەنی 30 ساڵی بەرە بەرە لاواز دەبن و رێژەی شێداریی ناویان كەم دەبێتەوە و دەپووكێنەوە، بەمەش فشاری زیاتر دەكەوێتە سەر جومگە بچووكەكانی نێوان نووكەكانی دواوەی بڕبڕەكان و ئازار پەیدا دەكات.
• كەمیی جووڵە و مەشقی فیزیكی: كەم بەكارهێنانی ماسوولكەكانی پشت هۆكارە بۆ كەمبوونەوەی سەپۆرتی بڕبڕەكانی پشت و پەیدابوونی ئازار، كەمبوونەوەی لیاقەی ماسوولكەكانMuscleinflexibility، لاوازبوون، یان كەمبوونەوەی تۆنی ماسوولكەكانی پشت، لاوازبوونی ماسوولكەكانی دیواری سك.
• مەشقەكانی توندكردنی دیواری سك Sit-up، راكردنی توند.
• هۆكارەكانی دیكە: زەبر، بۆماوەیی، كێشی زیاد و قەڵەوی، خەوتن لەسەر دۆشەكی نەرم، یان ئیسفەنجی ئەستوور، جگەرەكێشان، پەستی، سترێس، خەمۆكی، دووگیانی، كە قاچێك لە قاچەكەی تر كورتتر بێت،