توێژینەوەیەکی نوێ لە وڵاتی ژاپۆن ئاشکرایکردووە، هاوارکردن بەسەر دایکانی دووگیاندا، کار دەکاتە سەر گوێچکە و هەستی بیستنی کۆرپەلە.

سکوڵی پزیشکی زانکۆی کوچی لە ژاپۆن بڵاویکردووەتەوە: "هاوار و دەنگ بەرزکردنەوە بەسەر ژنانی دووگیان کار لەسەر هەستی بیستنی منداڵ دەکات".

ئاماژە بەوەشکراوە، ئەو کۆرپەلانەی دایکیان دووچاری دەنگی بەرز و تووڕە دەبنەوە، بە رێژەی 50% ئەگەری زیاتریان هەیە سیستمی بیستنیان کێشەی بۆ دروست ببێت.

هەروەها، دەنگە دەنگی دایک و باوکان، کاردەکاتە سەر منداڵدان و کاریگەری خراپی لەسەر گەشەی سیستمی بیستنی منداڵ دەبێت لە داهاتوودا.

توێژەرانی ئەو زانکۆیە رێنمایی دایک و باوکان دەکەن، لە شەڕە قسە و هاوارکردن بەسەر یەکدا دوور بکەونەوە، بە پێچەوانەوە، منداڵەکانیان زیانیان پێدەگات.

پێشتریش چەند توێژینەوەیەک ئەوەیان ئاشکرا کردبوو، دڵ تەنگی خانمانی دووگیان، کار دەکاتە سەر تەندروستی کۆرپەلە بە گەشتی.


K24 – هه‌ولێر:



Daily Mail