ڕۆژنامەی (ده‌یلی مه‌یڵ)ی به‌ریتانی ئەنجامی توێژینەوەیەكی تەندروستی لەبارەی مۆبایلەوە بڵاو كردووەتەوە و ئاماژەی بەوە داوە كە به‌كارهێنانی مۆبایل له‌ كاتی نانخواردندا كاریگه‌ری هه‌یه‌ له‌سەر زیادبوونی كێشی مرۆڤ و دەبێتە هۆی قەڵەوی.


ماڵپه‌ڕه‌كه‌ ئاماژه‌ی به‌ توێژینه‌وه‌یه‌ك داوه‌ كه‌ به‌ هه‌ماهه‌نگی نێوان زانكۆیه‌كی به‌رازیل و هوڵه‌ندا ئه‌نجام دراوه‌ و تێیدا هاتووە كە ئه‌وانه‌ی به‌رده‌وام له‌ كاتی نانخواردندا مۆبایل به‌كارده‌هێنن، رێژه‌ی كالۆریان له‌ له‌شدا زیاتر ده‌كات به‌ به‌روارد له‌گه‌ڵ ئه‌وانه‌ی له‌ كاتی نانخواردن مۆبایل به‌كارناهێنن.


توێژینەوەكە روونی كردووەتەوە ئەوانەی مۆبایل لە كاتی نان خواردن بەكاردێنن ڕێژەی كالۆری لە لەشیاندا بەڕێژەی 15% زیاتری لە هی ئەوانەی مۆبایل لە كاتی نانخواردندا بەكارناهێنن، به‌تایبه‌ت ئه‌و ڕێژه‌یه‌ له‌ نێو منداڵاندا به‌ ته‌واوی هه‌ستی پێ كراوە.


له‌ به‌شێكی توێژینه‌وه‌كه‌دا ئەوەش هاتووه‌ كە مرۆڤ كاتێك نان ده‌خوات و مۆبایل به‌كارده‌هێنیت هاوسه‌نگی خۆی له‌ده‌ست ده‌دات و ئاگای له‌و بڕه‌ خواردنە نیه‌ كه‌ ده‌یخوات.سەرچاوە:basnews