نەزۆكیی ئافرەت Female infertility گەلێك هۆكاری لەپاڵە وەكو: بەساڵاچوون، تێكچوونی هاوسەنگیی هۆرمۆنەكان، زیادبوونی كێشی لەش و قەڵەوی، گرێی ریشاڵیی منداڵدان Fibroid، نەخۆشییەكانی گلاندی دەرەقی، سترێس، مەشقی وەرزشیی توند، سووڕی مانگانەی ماوە كورت، هەوكردنی رێڕەوەكانی كۆئەندامی زاوزێ، نەخۆشیی درێژخایەن. لەم ساڵانەی دواییدا، لە چەند لێكۆڵینەوەكاندا هاتووە كە بەردەوام هەڵگرتنی تەنی قوڕس یان ئەنجامدانی ئیشی قوڕس هۆكارە بۆ نەزۆكیی ئافرەت، هەروەها بە هەمان ئەندازەی ئیشی قوڕس، ئیشی شیفتی پاش نیوەڕۆ یان شیفتی شەوانە هۆكارە بۆ كەمبوونەوەی توانای دووگیانبوونی ئافرەت.لە گەلێك لێكۆلینەوەی رابردوودا ئاماژە بە پێوەندی كاروپیشە بە نەزۆكی ئافرەتەوە كراوە بەتایبەتی كاریگەری ئیش و پیشە لەسەر فرمانی هێلكەدانەكان و ئاستی هۆرمۆنەكاندا كە زۆر گرنگن بۆ توانای بایۆلۆژی دووگیانبوون. بەردەوام هەڵگرتنی تەنی قوڕس یان ئەنجامدانی ئیشی قوڕس دەبێتە هۆی شڵەژانی كاتژمێری بایۆلۆژی ناوەوەی لەش بە شێوەی كەمبوونەوەی مەخزونی هێلكۆكە Egg reserve لە هێلكەدانەكاندا، لەگەڵ كەمبوونەوەی ژمارەی هێلكۆكەی پێگەیشتوو Mature eggs بە بەراورد لەگەڵ ئافرەتانی تردا. ئەمەش روونكراوەتەوە كە لەگەڵ ئیشی قوڕسدا، كێشی زیاد یان قەڵەوی ئەگەری نەزۆكی زیاتر دەكات. بۆیە بۆ ئەو ئافرەتانەی كە پلانیان بۆ دووگیانی داناوەواباشترە كە بە مەبەستی پاراستنی توانای بایۆلۆژی دووگیانبوون خۆیان لە هەڵگرتنی تەنی قوڕس و ئیشی گران بپارێزن و كۆنتڕۆڵكی كێشی لەشیان