ئاستی زیرەكی Intelligence یان بە كورتیIQبە چەند تێستێكی تایبەتەوە لە بەشی پزیشكیی دەروونیدا دەخەمڵێنرێت.بە گوێرەی پۆلێنكردنی ئاستی زیرەكی لە لایەن لویس تێرمان Lewis Terman ساڵی 1916 ژمارەكان بۆ هەر ئاستێكی زیرەكی دانراون، بۆ نموونە ئاستی زیرەكی 75 واتە زیرەكی كەم، ئاستی زیرەكی 80 واتە مامناوەندی، ئاستی 90 واتە لە ژێرەوەی تێكڕایی زیرەكی، ئاستی زیرەكی 100 بە ئاستێكی ئاسایی دەژمێردرێت، ئاستی 110 واتە بەرزتر لە ئاسایی،ئاستی زیرەكی 120 واتە زۆر باش، 130 واتە ئاستی نایابی زیرەكی، 140 واتە ئاستی زیرەكی لەڕادەبەدەر، 150 واتە ئاستی زیرەكی بەهرەدار Gifted، 160 و بەسەرەوە واتە ئاستی بلیمەتی Genius. شایانی باسە كە ئاستی زیرەكی ئەلبێرت ئەنیشتاین لە 160 بەسەرەوە بوو. تا ئێستا بەرزترین ئاستی زیرەكی كە لە كتێبی جینێسدا تۆماركرابێت بریتییە لە ئاستی 228 بە ناوی مارلین ڤۆس ساڤانتی لە تەمەنی 10 ساڵیدا كە هاوتایە لەگەڵ ئاستی زیرەكی 185 بۆ تەمەنی كەسێكی پێگەیشتوو.