ئازاری مل Neck pain حاڵەتێكی باوە هۆكاری زۆری لەپاڵە، بۆ نموونە سترێس، خەوی نادروست، گرژبوونی ماسوولكەكانی مل..تاد جگە لە دۆزینەوەی هۆكار و چارەسەری پزیشكی، دەتوانیت كە بەم هەنگاوانە ئازاری مل تا رادەیەكی زۆر سووك بكەیت:
• هەرگیز بۆ ماوەیەكی زۆر ملت لەسەر یەك پۆزیشن مەهێڵەوە، بەتایبەتی لەكاتی بەكارهێنانی كۆمپیوتەردا پێویستە كە ناوە ناوە هەڵسیتەوە یان جوولەی جیاواز بۆ مل ئەنجام بدەیت.
• ئاستی كورسی و مێز بە شێوەیەك رێكبخە كە ئاستی شاشەی كۆمپیوتەر لە هەمان ئاستی چاودا بێت بە شێوەیەكی ئاسۆیی.
• ئەگەر چاویلكەی پزیشكی بەكاردێنیت، ئەوا پێویستە كە بە شێوەیەكی دەوری سەردانی دكتۆری چاو بكەیت بە مەبەستی دڵنیابوون لە پلەكانی چاویلكەكەت یان گۆڕینی پلەی هاوێنەكان.
• زیاتر لە یەك سەرین بۆ نووستن بەكارمەهێنە.
• زێدەڕۆیی لە ئەنجامدانی ئیشی ماسوولكەیی قورسدا مەكە.
• كاتێكی باش بۆ نووستن تەرخان بكە، چونكە گرفتەكانی پەیوەست بە نووستن هۆكارن بۆ حاڵەتی زۆر بەتایبەتی ئازاری جومگە و ماسوولكەكانی مل.