رەنگی زێڕین و رەش لە كراسی كوردی
November 29, 2012
رەنگا و ڕەنگ
هەر رەنگێك كاتێك كاری نەخشاندنی بۆ دەكرێت لە سەر كراسی كوردی، مانایەكی خۆی هەیە، تەنانەت جوانی لە گەڵ هەر رەنگێكی دیكەدا جیاوازترە، لێرەدا دوو لایەن گرنگە بۆ دانان و هەڵبژاردنی رەنگ بۆ كراسی كوردی، سەرەتا دەبێت بیر لەوە بكەینەوە كە ئایا نەخشی كراسەكە چۆن دەبێت، تاكو رەنگەكان لەگەڵ یەكدیدا بگونجێن و هەر یەكە لەگەڵ ئەوەی دیكە تێكەڵ بێت، دواتریش هەڵبژاردنی جۆری قوماشەكەیە، كە گرنگە بزانرێت چ جۆرە قوماشێك یان نەخشێكی لەسەرە یان رەنگەكەی چۆنە تاوەكو لەگەڵ كراسەكەت گونجاو بێت، لە هەمان كاتیشدا تێكەڵ كردنی دوو رەنگ، زیاتر كراسەكە رازاوەتر و جوانتر دەكات، یەكێك لەو دوو رەنگانەی كە كاریگەرییەكی تەواویان بەسەر یەكدا هەیە، ئەویش رەنگی رەش و رەنگی زێڕینییە، لە كاتێكدا كراسی كوردی لە دوو بەشی سەرەكی پێكهاتووە، ئەویش كراس و ئێلەگە،، هەروەها ئەو كراسەی لەسەرەوە دەپۆشرێ، بەمەش دەتوانین هەر یەكە لە رەنگی زێڕین بۆ ئیلەگ وئێكسسوار و نەخشەكان هەڵبژێرین، لە بەرامبەردا رەنگی كراسەكە رەش بێت، یاخود بە پێچەوانەوە كە رەنگی ئێلەگ و ئێكسسوارەكان رەش بێت، كراسەكەش لە رەنگی زێڕین بێت، بەڵام مۆدەی یەكەمیان زیاتر باوترە.