لەگەڵ هاتنەوەی وەرزی گەرما، دەكرێت گۆڕانكاری بەسەر مۆدەكاندا بهێنین، چونكە پێویستیان بەتازەگەری دەبێ لە لایەنی جوانییەوە، ئەمە وادەكات كە خانمان زیاتر گرنگی بەتازەگەری لەسەر ئاستی جلوبەرگ و مۆدە و ئێكسسوار و ماكیاژ و ڕەنگی قژ و لێو و تەسریحەی قژیش هەمان لایەن دەگرێتەوە، بەڵام ئەوەی زیاتر جێگەی سەرنجە ڕەنگی لێو لەهاویندا كاریگەریەكی ئەوتۆی هەیە لەسەر جوانی ڕووخسار، چونكە لەو وەرزە ڕەنگەكان بەجوانی و زەقی دیار دەبن، بۆیە هەر ڕەنگێك شێوازێك بۆ خۆی دەنوێنێ.
چەند لایەنێكی هەڵە هەیە بۆ ئەنجامدانی ڕەنگی لێو لەوەرزی گەرما، ئەمەش وەك هۆكارێك دەبێتە هۆی شێواندنی جوانی لێو و تەنانەت زیان پێگەیاندنی پێستی لێویش، بۆ نموونە ئەگەر لەوەرزی هاوین ڕەنگی سیلڤەر یان قاوەییەكی تۆخ بەكاربهێنین، دەبێتە دیمەنێكی ناشیاو بۆ جوانی لێو، لەگەڵ ئەوانەدا ئەو ڕەنگانە دەبێـتە هۆی ڕاكێشانی گەرما و بەمەش بۆ پێستی لێو خراپە، چونكە پێستی لێو زۆر ناسكە، بۆیە ئەو ڕەنگانەی دەبنە مۆدەی لەوەرزی بەهار بریتییە لە(پەمەیی و سوور)، بەڵام زیاتر پەمەیی دەبێتە ڕەنگی لێو، ئەویش دەكرێ سوود لەجۆرەكانی ڕەنگی پەمەیی وەربگرین لەلایەنی تۆخی و ئاچووغ و یان پەمەیی سادە.