حه‌شدی شه‌عبی ده‌چێته سوریا
هادی عامری به سپۆتنیك رایگه‌یاند "ئه‌گه‌ر له لایه‌ن حكومه‌تی سوریاوه داوایان لێ بكرێت، ئه‌وا ئاماده‌ن بچنه ئه‌و وڵاته و شه‌ڕی داعش بكه‌ن".
گوتیشی: "هه‌نگاوی پاش رزگاركردنی عێراق، پاك كردنی سوریایه له تیرۆریستان و له‌سه‌ر داوای حكومه‌تی سوریا ده‌چینه ئه‌و وڵاته".
حه‌شدی شه‌عبی له هه‌فته‌ی دووه‌می ئۆپه‌راسیۆنی موسڵ به‌ره‌و ناوچه‌كانی رۆژئاوای موسڵ به ئاراسته‌ی ته‌لعه‌فه‌ر جوڵه‌یان پێكراوه و تا ئیستا ده‌یان گوندیان كۆنترۆڵ كردووه و ئامانجی سه‌ره‌كیشیان كۆنترۆڵكردنی سه‌نته‌ری شارۆچكه‌ی ته‌له‌عفه‌ره و له هه‌نگاوی یه‌كه‌مدا كۆنترۆڵكردنی فڕۆكه‌خانه‌ی ته‌له‌عفه‌ر له پلانیان دایه و به هۆیه‌وه رێگه‌ی سه‌ره‌كی یارمه‌تی و لوجستی نێوان موسڵ و ناوچه‌كانی ژێر ده‌سه‌ڵاتی داعش له سوریا داده‌خن.
K24
