برێت مەكگۆرك: یەپەگە منبج چۆڵدەكات
برێت مەكگۆرك، نوێنەری باراك ئۆباما، سەرۆكی ئەمریكا لە هاوپەیمانێتی نێودەوڵەتی دژی داعش لە تویتەری خۆی رایگەیاند "هەموو چەكدارانی یەپەگە منبج چۆڵدەكەن و دەگەڕێنەوە بۆ رۆژهەڵاتی فورات، دوای ئەوەی هێزە لۆكاڵییەكان مەشق و راهێنانەكانیان تەواوكرد بۆ دابینكردنی ئاسایشی شارەكە دوای داعش".
نوێنەری ئۆباما راشیگەیاندووە، هاوپەیمانان شانازی دەكەن بە راهێنان و پشتگیریی هێزە لۆكاڵییەكان بۆ بەرگری لە ناوچەكانی خۆیان، بۆ ئەوەی دڵنیابن داعش هەرگیز ناتوانێت بگەڕێتەوە.
لەبارەی ئۆپەراسیۆنەکانی رەققە و موسڵ، مەكگۆرك دەڵێت "هێزەكانی سووریای دیموكرات لە رۆژهەڵاتی فوراتەوە بەردەوامن لە پێشڕەوی بۆ گەمارۆدانی داعش لە رەققە، ئەوەش لەكاتێكدا هێزە عێراقییەكان زیاتر دەچنە نێو گەڕەكەكانی موسڵ".
رووداو