ئۆتۆمبێلێکی بۆمبڕێژکراو لەلایەن کەسێکی خۆکوژەوە بەخێراییەکی زۆر بەرەو فڕۆکەخانەی عەدەن دەڕۆیشت، کاتێک لەلایەن دەزگا ئەمنییەکانی ئەو وڵاتەوە تەقێندرایەوە.

بەپێی راگەیەندراوێکی پۆلیسی یەمەن، هێزە ئەمنییەکانی ئەو وڵاتە توانیویانە " ئەمڕۆ (یەکشەممە، 17-4-2016) دوو هێرشی تیرۆرستی پووچەڵبکەنەوە".

لە راگەیەندراوەکەی پۆلیسی یەمەندا هاتووە "دوای ئەوەی زانیاریمان پێگەیشت لەوەی هەوڵێکی تیرۆرستی هەیە، خێرا دەستمان بە لێکۆڵینەوە کرد و پیاوانی پۆلیس پێشیان لەو ئۆتۆمبێلە بۆمبڕێژکراوە گرت، کە بەرەو فڕۆکەخانەی عەدەن دەرۆیشت و توانیان بیتەقێننەوە، بەڵام بەو هۆیەوە پێنج کارمەندی هێزە ئەمنییەکان بریندار بوون".

پۆلیسی یەمەن لە راگەیەندراوەکەیدا ئاماژە بە " پووچەڵکردنەوەی هەوڵێکی دیکەی تیرۆرستیش دەدات" و رایدەگەیێنێت " دوای ئەوەی هەواڵمان لەبارەی ئەو ئۆتۆمبیلەشەوە پێگەیشت، توانیمنان پووچەڵی بکەینەوە".





رووداو