پلاندانه‌ری هێرشه‌کانی پاریس ئاشکرا بوو
"عه‌بدولحه‌مید عه‌ببوود" به‌ڕه‌گه‌ز مه‌راکیشی و هاوڵاتیی به‌لجیکایه و به گوته‌ی به‌رپرسانی ئه‌منیی فه‌ره‌نسا ئێستا له سووریایه و ئه‌گه‌رێکی زۆر هه‌یه، ئه‌و فه‌رمانی هێرشه‌کانی پاریسی دابێت.
عه‌ببوود له گه‌ڕکی "مۆلێن بیک"ی "بروکسه‌ل"ی پایته‌ختی به‌لجیک ده‌ژیا. ئه‌م گه‌ڕه‌که، جێگه‌ی نیشته‌جێی یه‌کێک له سه‌رکرده‌کانی کرده‌کانی داعش له پاریس بوو.
هه‌روه‌ها له پاریس هه‌ڵمه‌ته‌کان بۆ دۆزینه‌وه‌ی هێرشکه‌ره هه‌ڵاتووه‌کان به‌رده‌وامه و تا ئێستا 23گۆمانلێکراو ده‌ستگیر کراون و سه‌دان که‌سیش له ماڵه‌کانیان له ژێر چاودێری دان.
سه‌رچاوه: رادیۆ ده‌نگی ئه‌وروپا
