پارتی لیبراڵی کەنەدا لە هەڵبژاردنی گشتی کەنەدادا توانی سەرکەوتن بەسەر پارتی کۆنسێرڤاتیڤەکانی ئەو وڵاتە بەدەستبهێنێت و بەمەش کۆتایی بە دەسەڵاتی نۆ ساڵ بەردەوامی کۆنسێرڤاتیڤەکان بهێنێت.

جەستین ترودۆ، سەرکردایەتی لیبراڵەکانی کرد لەو هەڵبژاردنەدا و توانی ١٨٩ کورسی لە کۆی ٣٣٨ کورسی بەدەست بهێنێت.

جەستین ترودۆ، کە کوڕی پیتەر ترودیۆی سەرۆکوەزیرانی پێشووی کەنەدایە و سەرکردایەتی پارتەکەی کردووە لە هەڵبژاردندا، دەبێتە سەرۆکوەزیرانی نوێی کەنەدا و لەلایەن پارتەکەیەوە بۆ پێکهێنانی حکومەت راسپێردراوە.

ستیڤان هارپەر، سەرۆکوەزیرانی ئێستای کەنەدا کە سەرکردایەتی پارتی کۆنسێرڤاتیڤی کرد ، دوای بردنەوەی ١٠٢ کورسی پلەی دووەمی بەدەستهێنا و دوای پیرۆزباییکردن لە لیبراڵەکان، دانی بەشکستی پارتەکەیدا نا و، کۆنسێرڤاتیڤەکان ئەوەشیان ئاشکراکردووە، کە هاپەر دوای کۆتاییهاتنی دەسەڵاتەکەی وەک سەرۆکوەزیران دەست لە سەرکردایەتی پارتەکەشی دەکشێنێتەوە.









رووداو