دوای ده‌ستبه‌كار بوونی وه‌ك سه‌رۆك ئه‌ركانی نوێی سوپای ئه‌مریكا، جۆزێف دانفۆرد یه‌كه‌م سه‌ردانی بۆ ئیسرائیل ئه‌نجام دا و له‌گه‌ڵ سه‌رۆكوه‌زیرانی ئیسرائیل بێنیامین ناتانیاهۆ كۆبوویه‌وه‌.

له‌ نووسراوێكدا كه‌ ئۆفیسی سه‌رۆكوه‌زیرانی ئیسرائیل بڵاوی كردۆته‌وه‌، ئاماژه‌ به‌وه‌ كراوه‌ كه‌ كۆبوونه‌وه‌كه‌ له‌ قودس ئه‌نجام دراوه‌ و هه‌ردوولا باسیان له‌ په‌یوه‌ندییه‌كانی ستراتیژی نێوان ئیسرائیل و ئه‌مریكا كردووه‌ و تاوتوێی ئه‌و كێشانه‌یان كردووه‌ كه‌ رووبه‌ڕوویان ده‌بنه‌وه‌.

هاوكات باس له‌وه‌ش كراوه‌ كه‌ له‌ باشووری ئیسرائیل مانۆڕێكی هاوبه‌شی هێزه‌كانی ئه‌مریكا و سوپای ئیسرائیل ده‌ستپێكراوه‌.

راشگه‌یه‌نرا كه‌ له‌ كۆبوونه‌وه‌كه‌دا سه‌رۆك ئه‌ركانی سوپای ئیسرائیل غادی ئه‌یزه‌نكۆت به‌شدار بووه‌ .