12 کۆچبەر لە کەناراوەکانی تورکیا خنکان
رۆژی شەممە 17ی تشرینی یەکەم 12 کۆچبەری نایاسایی، کە دەیانەویست بەرێگەی دەریا خۆیان بگەیەننە یۆنان، دوای نوقمبوونی بەلەمەکەیان لە کەناراوەکانی تورکیا گیانیان لەدەستدا.
پاسەوانانی کەناراوەکانی تورکیا رایانگەیاند، کە تەرمی ئەو خنکاوانەیان گواستووەتەوە، کە بە بەلەمێکی تەختە لە کەناراوەکانی تورکیاوە بەرەو دوورگەی لیسبۆسی یۆنانی لە باکووری رۆژهەڵاتی دەریای ئیجە بەرێگەوە بوون".
پاسەوانەکانی کەناراوەکان توانیوویانە 25 سەرنشینی دیکەی سەر بەلەمەکە رزگار بکەن، کە بەرێگەی مۆبایلەکانیانەوە بانگەوازی فریاکەوتنیان کردووە.
رووداو
