ئێران: 2000 مووشه‌كمان بۆ بۆردوومان كردنی سعودیه ئاماده‌كردووه
“عه‌مید مورته‌زا قوربانی” كه‌به كه‌سێكی نزیك له”قاسم سلێمانی”داده‌نرێت، گوتیشی: ” ئێرانییه‌كان ئه‌مڕۆ له‌و هه‌ڕه‌شانه ناترسن كه‌دوژمنان ئاراسته‌ی ده‌كه‌ن، چونكه ئێمه له‌جه‌نگی عێراقدا 8 ساڵ خۆمان گرت، له‌كاتێكدا تواناشمان كه‌م بوو، به‌ڵام ئێستا 2000 مووشه‌كمان ئاماده‌كردووه بۆ بۆردوومان كردنی سعودیه، ئه‌گه‌ر ڕابه‌ر فه‌رمان بدات”.
گوتیشی: ” هێڵه‌كانی به‌رگری له‌شۆڕشی ئیسلامی، ئه‌مڕۆ له‌یه‌مه‌ن و عێراق و لوبنان و سوریادان، ئێمه له‌وپه‌ڕی ئاماده‌باشیداین بۆ جێبه‌جێكردنی فه‌رمانه‌كانی ڕابه‌ر، له‌هه‌ر شوێنێك فه‌رمانی جوڵه‌مان پێ بدات، ده‌جوڵێین”.
چاودێران تێبینییان كردووه، له‌دوای ڕووداوه‌كه‌ی مینا كه 464 حاجی ئێرانی تیایدا بوونه قوربانی، له‌هه‌موو لایه‌ن و باڵه‌كانی ده‌سته‌ڵاتی ئێرانه‌وه هه‌ڕه‌شه له‌سعودیه ده‌كرێت.
باسنيوز
