گوته‌بێژى وه‌زاره‌تى ناوخۆى كينيا رايگه‌ياند، چه‌كدارانى بزووتنه‌وه‌ى شه‌بابى سۆماڵى نزيك له‌ قاعيده‌ دره‌نگانێكى رۆژى هه‌ينى هێرشييان كردووه‌ته‌ سه‌ر شارۆچكه‌يه‌ك له‌ باكوورى رۆژهه‌ڵاتى كينيا.

مويندا نجوكا گوته‌بێژى وه‌زاره‌تى ناوخۆى كينيا له‌به‌ياننامه‌يه‌كدا رايگه‌ياندووه‌، هێزه‌ ئه‌منييه‌كان به‌رپه‌رچى هێرشێكى چه‌كدارانى بزووتنه‌وه‌ى شه‌بابى سۆماڵييان بۆ سه‌ر شارۆچكه‌ى يۆمبيس داوه‌ته‌وه‌ و هێزه‌ ئه‌منييه‌كان توانيويانه‌ رێگه‌ له‌ چه‌كداره‌كان بگرن و شه‌ڕ و پێكدادانيش له‌نێوان هه‌ردوولادا روويداوه‌، به‌ڵام هيچ زيانێكى گيانى لێنه‌كه‌وتووه‌.

ئه‌و شارۆچكه‌يه ده‌كه‌وێته‌ سه‌ر سنوورى سۆماڵ و هه‌شتا كيلۆمه‌تر له‌ شاری گاريساى كينياوه‌ دووره.












روداو