یه‌كێتى ئه‌وروپا له‌ كۆبوونه‌وه‌یه‌كى به‌په‌له‌ له‌ لۆگسه‌مبۆرگ ؛ پێشنیازێكى ده‌ بڕگه‌یى په‌سه‌ند كرد به‌ مه‌به‌ستى به‌ره‌نگار بوونه‌وه‌ له‌ گه‌ڵ په‌نابه‌رانى نایاسایى له‌ به‌شه‌كانى باشورى ئه‌وروپا. به‌ پێى ئاژانسى هه‌واڵى فه‌ڕه‌نسا؛ ئامانج له‌ په‌سه‌ند كردنى ئه‌و پێشنیازه‌؛ كۆنتڕۆڵ كردنى زیاترى ئه‌و ناوچانه‌یه‌ كه‌ په‌نابه‌ران هه‌وڵ ده‌ده‌ن له‌و رێگایانه‌ به‌ره‌و ئه‌وروپا گه‌شت بكه‌ن.

ئه‌و پێشنیازه‌ رۆژێك دواى ئه‌وه‌ په‌سه‌ند كرا كه‌ كه‌شتییه‌كى هه‌ڵگرى حه‌وسه‌د په‌نابه‌رى نایاسایى له‌ ئه‌فریقیا و رۆژهه‌ڵاتى ناوه‌ڕاست به‌ره‌و ئه‌وروپا به‌ڕێوه‌ بووه‌؛ رۆژى یه‌كشه‌ممه‌ى رابردوو له‌ یه‌كێك له‌ به‌نده‌ره‌كانى ئیتاڵیا له‌ كه‌نداو نقومبووه‌. ژماره‌ى قوربانیانى ئه‌و رووداوه‌ تاكو ئێستا دیار نییه‌ و ئۆپه‌ڕاسیۆنى رزگار كردنى سه‌رنشینه‌كانى ناو كه‌شتییه‌كه‌ به‌رده‌وامه‌.