وه‌زیرى به‌رگرى فه‌ڕه‌نسا ژان ئیۆ لودریان؛ كۆمارى ئیسلامى ئێرانى تۆمه‌تبار كرد به هۆكارى گرژى و نائارامى له یه‌مه‌ن و له هه‌مان كاتدا پشتیوانى وڵاتى فه‌ڕه‌نساى بۆ هاوپه‌یمانییه‌تى عه‌ڕه‌بى به سه‌رپه‌رشتى سعوودییه له دژى حووسییه‌كان راگه‌یاند. وه‌زیرى به‌رگرى فه‌ره‌نسا له به‌یروتى پایته‌ختى لوبنان رایگه‌یاند: كه وڵاتانى ناوچه‌كه به سه‌رپه‌رشتى سعوودییه یه‌گرتووه بوونه كه كۆتایى به ده‌ستێوه‌ردانه‌كانى وڵاتاتى بێگانه بۆ سه‌ر یه‌مه‌ن بهێنن له دژى عه‌بد ره‌به مه‌نسور هادى سه‌رۆك كۆمارى یاسایى ئه‌و وڵاته.
هه‌روه‌ها رایگه‌یاند : كه ئه‌گه‌ر چى فه‌ڕه‌نسا راسته‌وخۆ له دژى ده‌ستێوه‌ردانه‌كانى ئێران خۆى هه‌ڵناقورتێنێ؛ به‌ڵام پشتیوانى له هاوپه‌یمانییه‌تى عه‌ڕه‌ب به سه‌رپه‌رشتى سعوودییه ده‌كات و زانیارى هه‌واڵگرى له‌گه‌ڵ ریاز ئاڵوگۆڕ ده‌كات .
