له‌ لایه‌ن حكوومه‌تی تونسه‌وه‌ رێگه‌ له‌ چوونی 12 هه‌زرا و 490 كه‌س گیراوه‌ كه‌ ویستوویانه‌ بچنه‌ نێو خاكی سووریا و عێراق. وه‌زیری نێوخۆی تونس محه‌مه‌د ناجم غه‌رسیلی سه‌باره‌ت به‌ به‌ره‌نگاربوونه‌وه‌ی پرسی تیرۆر له‌ په‌رله‌مانی وڵاته‌كه‌ی گوتارێكی پێشكه‌ش كرد.

غه‌رسیلی گوتی: تا ئێستا رێگه‌مان له‌ دوازده‌ هه‌زار و چوارسه‌د و نه‌وه‌د كه‌س گرتووه‌ كه‌ ویستوویانه‌ بچنه‌ نێو خاكی سووریا و عێراق.

وه‌زیره‌كه‌ی تونس هه‌روه‌ها رایگه‌یاند: به‌رده‌وامین له‌ به‌ره‌نگار بوونه‌وه‌ و نه‌هێشتنی تۆره‌كانی تیرۆریستی كه‌ خه‌ڵكی ره‌وانه‌ی به‌ره‌كانی جه‌نگ ده‌كه‌ن.

سه‌باره‌ت به‌ لێكۆڵینه‌وه‌كان له‌باره‌ی هێرشه‌كه‌ی سه‌ر مۆزه‌خانه‌ی باردۆ غه‌رسیلیگوتی: لێكۆڵینه‌وه‌كان به‌رده‌وامه‌، تیمه‌كانی ئاسایشی وڵات حه‌فتا و دوو ئۆپه‌راسیۆنیان ئه‌نجامداوه‌ و سه‌د و په‌نجا و هه‌شت كه‌سیان ده‌ستگیركردووه‌.