ئەتیەن مەهچوپیان راوێژكاری سەرەكی سەرۆك وەزیرانی توركیادەست لەكار كێشانەوەی خۆی راگەیاند كە ئەمەش دوای ئەو لێدوانەی بوو دەربارەی جینۆسایدی ئەرمەنییەكان لە ساڵی 1915.

ئەتیەن مەهچوپیان كە بە رەچەڵەك ئەرمەنیە لە لێدوانێك دا گوتبووی: "نەناسینی كۆمەڵكوژی ئەرمەنییەكان لە ساڵی 1915 بەجینۆساید ئەستەمە". دوای ئەم لێدوانە رەخنەی زۆری لێگیرابوو.

شایەنی باسە مەهچوپیان بە رەسمی لە 9ی نیسانی ئەمساڵ خانەنشین كرابوو بە هۆی تەمەنی و وەك راوێژكاری فەخری لە كارەكەی بەردەوام بوو.