ئەنجومەنی ئاسایشی ڕێکخراوی نەتەوە یەکگرتووەکان ڕەشنووسی وڵاتانیی عەرەبیی سەبارەت بە بارودۆخی یەمەن پەسند کرد، 14 وڵات دەنگیان بەو ڕەشنووسە داوە و وڵاتی رووسیا دەنگی بێلایەنیی داوە.

بەپێی بڕیارنامەکەی ئەنجومەنی ئاسایشی ڕێکخراوی نەتەوە یەکگرتووەکان،. گەمارۆی چەکوچۆڵ دەخرێتە سەر حووسییەکان و هێزەکانی لایەنگری عەلی عەبدوڵڵا ساڵح سەرکۆماری پێشووی یەمەن.

بەپێی بڕیارنامەکە ئەنجومەنی ئاسایش لە 7 قۆناغدا عەلی عەبدوڵڵا ساڵحی ئابلۆقە داوە، هەروەها سەرکۆماری پێشووی یەمەن و کوڕەکەی سەردانی دەرەوەی یەمەنیان لێ قەدەغە کراوە.

نوێنەری ئەمریکا لە رێکخراوی نەتەوە یەکگرتووەکان گوتوویەتی: ئێمە خوازیاری وتووێژ لە یەمەن لەسەر بنەمای وڵاتانی عەرەبین، هەروەها حوسییەکانی بە تێکدەری بارودۆخی ئەمنیی یەمەن وەسف کردووە.