لیژنه‌كانی میللی یه‌مه‌ن له چه‌ند ناوچه‌یه‌ك چه‌كداره حوسییه‌كانیان ده‌ركردووه
لیژنه‌كانی میللی رایگه‌یاند كه كۆنترۆڵی ناوچه‌كانی مه‌علا و قه‌لوعه‌یان له شاری عه‌ده‌ن له باشووری یه‌مه‌ن له حوسیه‌كان پاك كرده‌وه ، له ژێر فشاری به‌رگرییه‌كی توندی لێژنه‌كانی میللی گروپه‌كانی دژ به عه‌بد ره‌به مه‌نسور هادی سه‌رۆكی یه‌مه‌ن له دوو ناوچه كشانه‌وه‌و به‌ره‌و ناوچه‌ی خۆر مه‌كسه‌ر رۆیشتن .
له ئاكامی ئه‌م شه‌رو پێكدادانه‌ش به ده‌یان چه‌كدار له هه‌ردوولا كوژران و له شاری زالع هه‌ر له شه‌رو پێكداداندا 27 حوسی كوژران .
له لایه‌كی دیكه‌وه ئه‌حمه‌د عسێری گوته‌بێژ به‌ناوی هێزه‌كانی هاوپه‌یمانی عه‌ره‌بی رایگه‌یاند كه فرۆكه جه‌نگییه‌كان له چوارچێوه‌ی ئۆپه‌راسیۆنی گه‌رده‌لوولی به‌هێز له دورگه‌ی میون كۆگایه‌كی چه‌كی حوسییه‌كانیان تێكشكاند .
