بەپێی ئاماری وەزارەتی بەرگریی ئەمریكا (پێنتاگۆن) ، تائێستا 2320 هێرشی ئاسمانیی لەلایەن فڕۆكە جەنگییەكانی ئەمریكا و هاوپەیمانەكانی كراونەتە سەر چەكدارانی داعش لە باشوور و رۆژئاوای كوردستان، سووریا و عێراق .

دوای نزیكبوونەوەی هێزەكانی داعش لە شاری هەولێر، باراك ئۆبامای سەرۆكی ئەمریكا بڕیاریدا ئەمریكا و هاوپەیمانەكانی هێرشی ئاسمانیی بكەنە سەر هێزەكانی داعش.

ئەو هێرشە ئاسمانیانەی داعش كە لە 8ی ئابی 2014 دەستیانپێكردووە، خەرجییەكانی لەسەر حكومەتی ئەمریكا یەك ملیار و 83 ملیۆن دۆلار بووە .

فڕۆكە جەنگییەكانی ئەمریكا لەو هێرشانەدا، زیاتر چەكە قورسەكانی داعش و ژێرخانی ئابووری و شوێنەكانی بەرهەمهێنانی نەوت و بەرەكانی شەڕیان كردووەتە ئامانج.







رووداو