به‌ هۆى هێرشى ئاسمانى هاویه‌یمانی عه‌ره‌بی به‌ سه‌رپه‌رستى سعوودیه‌ له‌ دژى حوسییه‌كان له‌ یه‌مه‌ن بۆ سه‌ر كه‌مپێكى په‌نابه‌ران له‌ باكورى ئه‌و وڵاته‌ و نزیك سنورى سعوودیه‌؛ چل كه‌س كوژران و نزیكه‌ی دووسه‌دو په‌نجا كه‌سیش بریندار بوون.

گووته‌بێژێكى رێكخراوى نه‌ته‌وه‌یه‌كگرتووه‌كان رایگه‌یاند: كه‌ تاكو ئێستا به‌ روونى دیار نییه‌ كه‌ چه‌ند كه‌س له‌ هاووڵاتیانى مه‌ده‌نى و چه‌ندینش له‌ هێزه‌ چه‌كداره‌كان كوژراون. شایه‌نى باسه‌ په‌نابه‌رانى یه‌مه‌ن له‌ماوه‌ى ده‌ ساڵ شه‌ڕو پێكدادان له‌ نێوان حكومه‌تى یه‌مه‌ن و حوسییه‌كان له‌و كه‌مپه‌دا ژیان به‌سه‌ر ده‌به‌ن. هه‌روه‌ها ژماره‌یه‌ك له‌ كۆچبه‌رانى رۆژئاواى ئه‌فریقیا له‌و كه‌مپه‌دان.