دوای دوو رۆژ له‌ كۆنتڕۆڵكردنی ته‌واوی شاری ئیدلب له‌لایه‌ن چه‌كدارانى به‌ره‌ى نووسره‌ لقى رێكخراوى تیرۆریستى قاعیده‌ له‌ سووریا له‌گه‌لچ گروپه‌ چه‌كداره‌ هاوپه‌یمانه‌كانى، فرۆكه‌ جه‌نگییه‌كانى رژێم، ژماره‌ییه‌ك هێرشى ئاسمانیان بۆ سه‌ر ناوچه‌كانى شاره‌كه‌ ئه‌نجامدان.

روانگه‌ى سووریا بۆ مافه‌كانى مرۆڤ رایگه‌یاند، فرۆكه‌ جه‌نگییه‌كانى رژێم له‌و هێرشه‌ ئاسمانییاندا هه‌ر یه‌كه‌ له‌ ناوچه‌كانى سرمین و نیرب له‌ ریفى باكوورى شارى ئیدلیب و ناوچه‌ى بنش نزیك له‌ شاره‌كه‌یان بۆردومانكردووه‌. هاوكات به‌پێی ئه‌و زانیارییانه‌ی كه‌ چالاكوانان له‌ شاره‌كه‌ بڵاویانكردووه‌ته‌وه‌، هێزه‌كانى رژێم به‌ چڕى ده‌ستیان به‌ بڵاوبوونه‌وه‌ له‌ نزیك شارى ئیدلیب كردوون و رژێمیش هێزى پشتیوانى بۆیان ره‌وانه‌كردووه‌ بۆ ئه‌وه‌ى بتوانن دووباره‌ شاره‌كه‌ كۆنترۆڵ بكه‌نه‌وه‌. شاری ئیدلب دوای شه‌ڕێكی قورسی چوار رۆژه‌ له‌نێوان سوپای سووریا و چه‌كداران، له‌ژێر ده‌ستی سوپای سووریا ده‌رهێنرا و به‌ته‌واوی كه‌وته‌ ده‌ست چه‌كداران.