بۆ رۆژی چواره‌م له‌ ئۆپراسیۆنی گه‌رده‌لوولی راپێچان فرۆكه‌ جه‌نگییه‌كانی هاوپه‌یمانان كه‌ سعودییه‌ رێبه‌رایه‌تی ده‌كات ، به‌رده‌وامن له‌ بۆردومانكردنی ئامانج و مۆڵگه‌كانی حوسییه‌كان له‌ یه‌مه‌ن . گوته‌بێژ به‌ناوی هاوپه‌یمانی سه‌ربازی كه‌ ده‌ وڵات له‌ خۆ ده‌گرێت رایگه‌یاند كه‌ هێرشه‌كان زۆربه‌ی مووشه‌كه‌كانی ده‌ستی حوسییه‌كانی له‌ یه‌مه‌ن له‌ناوبرد .

دوێنێ سه‌لمان بن عه‌بدولعه‌زیز له‌ وته‌یه‌كدا له‌ دانیشتنی كردنه‌وه‌ی لوتكه‌ی عه‌ره‌بی له‌ شه‌رم شێخ رایگه‌یاند كه‌ هه‌ڵمه‌ته‌ سه‌ربازییه‌كان بۆ سه‌ر یه‌مه‌ن به‌رده‌وام ده‌بێت تا سه‌قامگیری و ئه‌من و ئاسایش بۆ ئه‌و وڵاته‌ ده‌گه‌رێته‌وه‌ .

ئه‌م هێرشه‌ی هاوپه‌یمانان وه‌ك وه‌ڵامێك بوو بۆ وه‌ستاندنی حوسییه‌كان له‌ پێشره‌وی به‌ره‌و عه‌ده‌ن به‌ڵام تا ئێستا ئه‌و هێرشه‌ ئاسمانییانه‌ نه‌یانتوانیوه‌ پێشره‌وی حوسییه‌كان بوه‌ستێنن .