هێزه‌كانی ئه‌مه‌ریكا 2 فرۆكه‌وانی سعودیه‌یان له یه‌مه‌ن رزگاركرد
هاوكات كۆشكى سپى ئه‌مه‌ریكا له به‌یاننامه‌یه‌كدا بڵاوى كرده‌وه كه مه‌لیك سه‌لمان پاشاى سعوودییه له گفتوگۆیه‌كى ته‌له‌فۆنیدا له‌گه‌ڵ باراك ئۆباما سه‌رۆكى ئه‌مه‌ریكا سوپاسی هاوكارییه‌كانی هێزه‌كانی ئه‌مه‌ریكای كردووه.
به پێى ئاژانسى هه‌واڵى بى بى سى؛ فرۆكه‌وانه‌كانى سعودییه له كه‌نداوى عه‌ده‌ن و پاش دوو كاتژمێر له كه‌وتنى فرۆكه‌كه‌یان له لایه‌ن سوپاى ئه‌مه‌ریكاوه رزگار كراون.
سه‌رچاوه‌یه‌كی به‌رپرس له وه‌زاره‌تی به‌رگریی سعودیه رایگه‌یاند، به‌هۆی دروستبوونی كێشه‌یه‌كی ته‌كنیكی له فڕۆكه‌یه‌كی جۆری ئێف 15 ئێسی هێزی ئاسمانی ئه‌و وڵاته له ناوچه‌یه‌كی ئاسمانی ده‌ریای سوور، دوو فڕۆكه‌وانه‌كه‌ی ناچاربوون كورسی رزگاربوون به‌كاربهێنن و به په‌ڕه‌شووت خۆیان له فڕۆكه‌كه هه‌ڵبده‌ن.
