ئه‌مرۆ له‌ شاری شه‌رم ئه‌لشێخی میسر به‌ ئاماده‌بوونی سه‌رۆك و سه‌ركرده‌كانی 22 ولات لوتكه‌ی عه‌ره‌بی ده‌ستپێده‌كات و تێدا قه‌یرانی یه‌مه‌ن و هێرشی هاوپه‌یمانیی عه‌ره‌بی به‌سه‌رۆكایه‌تی سعودیه‌ بۆ سه‌ر چه‌كدارانی حوسی گفتوگۆ ده‌كرێت.

له‌ لوتكه‌كه‌دا كه‌ عه‌بد ره‌به‌ مه‌نسوور سه‌رۆكی یه‌مه‌ن و ژماره‌یه‌كی دیكه‌ی سه‌ركرده‌كانی عه‌ره‌ب ئاماده‌ ده‌بن؛ هاوپه‌یمانیی عه‌ره‌بی به‌ سه‌رۆكایه‌تی سعودیه‌ بۆ لێدانی بنكه‌ و باره‌گاكانی حوسییه‌كان و هه‌روه‌ها دامه‌زراندنی هێزێكی عه‌ره‌بیی هاوبه‌ش و چۆنیه‌تی به‌ره‌نگاربوونه‌وه‌ی داعش له‌ لیبیا و عێراق و سوریا گفتوگۆ ده‌كرێت.